Ispaniya milliy jamoasi yarimhimoyachisi Rodri jamoadoshi Lamin Yamal haqida o'z fikrlarini bildirdi.
«Ba'zida u hissiyotlarini va o'zini ko'rsatishga bo'lgan kuchli ishtiyoqini biroz nazorat qilishi kerak. Yamal — ajoyib futbolchi. U hali o'yin ritmini va uchrashuvning borishini yanada yaxshi his qilishni o'rganadi. Uning yoshini hisobga olsak, bu mutlaqo tabiiy holat», — dedi Rodri.
18 yoshli Yamal 2025/26 yilgi mavsumda «Barselona»ning eng yaxshi to'purariga aylandi. U barcha musobaqalarda 24 ta gol urib, 17 ta golli uzatmani amalga oshirdi.
JCH-2026da esa vinger 6 ta uchrashuvda maydonga tushib, 1 ta gol muallifiga aylandi. Ispaniya terma jamoasi yarimfinalda 14 iyul kuni Arlington shahrida Fransiyaga qarshi bahs olib boradi.
