Angliya milliy jamoasining sobiq himoyachisi Rio Ferdinand JCH-2026da «uch sherlar» chempionlikni qo'lga kirita olishiga ishonmoqda.
«Vaziyat murakkablashganda va hammasi rejadagidek ketmayotganida ham Angliya yechim topa oladi. Bu xuddi pazl yig'ishga o'xshaydi — biz kerakli vaqtda kerakli bo'lakni topa olishimizni ko'rsatdik», — dedi Ferdinand o'zining YouTube kanalida.
Eslatib o'tamiz, Angliya chorakfinalda Norvegiyani mag'lub etib, yarimfinalga yo'l oldi. Tomas Tuxel shogirdlari final yo'llanmasi uchun 15 iyul kuni amaldagi jahon chempioni Argentina bilan bahs olib boradi.
