Ikrom Ro‘zimurodov — jurnalist, bloger, sharhlovchi va radioboshlovchi. 1997-yil 6-dekabrda Samarqand tumanida tug‘ilgan. Jurnalistika va Ommaviy kommunikatsiyalar universitetida PR yo‘nalishida tahsil olgan.
Faoliyatini 2018-yilda Samarqand STV telekanalida muxbir sifatida boshlagan. Kinematografiya agentligi va Islom sivilizatsiyasi markazi axborot xizmatlarida ishlagan. Human.uz’da “Comeback UZ” mualliflik loyihasini yo‘lga qo‘ygan. “Sport dunyosi”da sport jurnalisti va SMM mutaxassisi bo‘lgan.
Hozirda “Sevimli FM” radiokanalida “Tribunadan tashqarida” kabi dasturlarni olib boradi. “Samsifat” korxonasida marketolog sifatida ishlaydi.
2025-yildan Tribuna.uz’da nyusmeyker sifatida faoliyat yuritmoqda.
Ijtimoiy tarmoqlarda 250 mingdan ortiq auditoriyaga ega ijodkor.
