Икром Рўзимуродов — журналист, блогер, шарҳловчи ва радиобошловчи. 1997 йил 6 декабрда Самарқанд туманида туғилган. Журналистика ва Оммавий коммуникациялар университетида PR йўналишида таҳсил олган.
Фаолиятини 2018 йилда “Самарқанд СТВ” телеканалида мухбир сифатида бошлаган. Кинематография агентлиги ва Ислом цивилизацияси маркази ахборот хизматларида ишлаган. Human.uz'да “Comeback UZ” муаллифлик лойиҳасини йўлга қўйган. “Спорт дунёси”да спорт журналисти ва SMM мутахассиси бўлган.
Ҳозирда “Севимли ФМ” радиоканалида “Трибунадан ташқарида” каби дастурларни олиб боради. «Самсифат» корхонасида маркетолог сифатида ишлайди.
2025 йилдан Тribuna.uz'да нюсмейкер сифатида фаолият юритмоқда.
Ижтимоий тармоқларда 250 мингдан ортиқ аудиторияга эга ижодкор.
