Англия миллий жамоасининг собиқ ҳимоячиси Рио Фердинанд ЖЧ-2026да «уч шерлар» чемпионликни қўлга кирита олишига ишонмоқда.
«Вазият мураккаблашганда ва ҳаммаси режадагидек кетмаётганида ҳам Англия ечим топа олади. Бу худди пазл йиғишга ўхшайди — биз керакли вақтда керакли бўлакни топа олишимизни кўрсатдик», — деди Фердинанд ўзининг YouTube каналида.
Эслатиб ўтамиз, Англия чоракфиналда Норвегияни мағлуб этиб, яримфиналга йўл олди. Томас Тухел шогирдлари финал йўлланмаси учун 15 июл куни амалдаги жаҳон чемпиони Аргентина билан баҳс олиб боради.
