ЖЧ тарихида 3-бор яримфиналга аввал чемпион бўлган жамоалар етиб келишди

Футбол

12 июл, 13:15

Тўртала яримфиналчи ҳам турли вақтларда мундиалда ғолиб бўлган. Бунақаси аввал икки марта рўй берганди.

Редактор Аъзамжон Иззатиллаев

Tribuna.uz’ни Google’га қўшиш

ЖЧ тарихида 3-бор яримфиналга аввал чемпион бўлган жамоалар етиб келишди

Foto: Getty Images

14.07.2026, 15:00 Жаҳон чемпионати

Франция - : -

Испания

2026 йилги Жаҳон чемпионатининг барча яримфиналчилари камида бир марта жаҳон чемпиони бўлган.

12 июл тонгида Аргентина ва Англия миллий жамоалари чоракфиналда мос равишда Швейцария (3:1) ҳамда Норвегияни (2:1) мағлуб этиб, яримфиналга йўл олди. Бундан аввал эса Испания ва Франция ҳам ушбу босқичга чиққанди.

Шу тариқа Жаҳон чемпионатлари яримфиналида учинчи марта фақат аввал ҳам мундиал ғолиби бўлган миллий жамоалар қатнашади.

Бундай ҳолат илк бор 1970 йилги мундиалда кузатилган. Ўшанда яримфиналга Италия, Германия, Уругвай ва Бразилия чиққанди. Иккинчиси эса 1990 йилги мундиалда қайд этилган бўлиб, ўшанда Италия, Аргентина, Германия ва Англия яримфиналга йўл олган.

Эслатиб ўтамиз, Франция Жаҳон чемпионатида 1998 ва 2018 йилларда, Испания 2010 йилда, Англия 1966 йилда, Аргентина эса 1978, 1986 ва 2022 йилларда чемпионликни қўлга киритган.