Норвегия миллий жамоаси ҳужумчиси Эрлинг Ҳоланд ЖЧ-2026даги иштирокдан сўнг жамоа ҳақида ўз фикрлари билан ўртоқлашди.
«Бу менинг узоқ йиллик мақсадим эди. Ўйлайманки, ушбу турнирдан кейин биз Норвегияни футбол оламига танита олдик. Энди шу даражани сақлаб қолишимиз керак. Мен жамоамиз билан жуда фахрланаман.
Биз дунёнинг энг буюк миллий жамоаларидан бири бўлган Бразилияни мағлуб эта олишимизни исботладик. Якунда Англияга ютқаздик, аммо уларни жиддий курашишга мажбур қилдик. Балки ҳаммаси бошқача якунланиши ҳам мумкин эди.
Олдинда бизни яна Жаҳон ва Европа чемпионатлари кутмоқда. Менимча, энди ўзимизни ҳақиқатан ҳам намоён этиш вақти келди. Бизда ажойиб авлод шаклланган», — деди Ҳоланд.
Мухлислар бу янгиликни Telegram’да муҳокама қилмоқда
Изоҳлар Telegram’да очилади