Жака: «Ҳакамнинг қарори сабаб мағлуб бўлиш оғриқли. Четлатиш ҳаммасини ўзгартирди»

Швейцария яримҳимоячиси Гранит Жака ЖЧ-2026 чоракфиналидан ўрин олган Аргентина (1:3) билан ўйиндан сўнг ўз фикрларини билдирди.

«Ўйинни яхши бошладик. Бурчак зарбасидан кейин тўп ўтказиб юбордик, аммо шундан сўнг майдонда фақат Швейцария бор эди. Биз тўп назоратини ушлаб турдик, гарчи биринчи бўлимда унчалик кўп хавфли вазиятлар ярата олмаган бўлсак ҳам.

Биринчи бўлимда рақибда бурчак тўпидан урилган голдан бошқа деярли имконият бўлмади. Иккинчи бўлим эса тўлиқ бизнинг устунлигимизда ўтди. Аста-секин каттароқ таваккал қилишимиз мумкинлигини билардик.

Таваккал қилдик, гол урдик ва майдонда ўзимизни жуда яхши ҳис қила бошладик. Жамоада энергия ҳам, ўзига бўлган ишонч ҳам ошди. Аммо қизил карточка ҳаммасини ўзгартирди. Менимча, четлатиш ўйин режамизни бутунлай издан чиқарди, ҳолбуки режамиз бошиданоқ жуда ижобий эди.

Агар ҳакамлик қарори туфайли мағлуб бўлишга тўғри келса, бу жуда оғриқли. Аммо бу ҳакамнинг қарори эди. Ҳозир ўйин тугаши биланоқ буни қабул қилиш қийин, чунки кийиниш хонасида жимлик ҳукм сурмоқда, ҳамма қаттиқ тушкунликка тушган. Лекин Аргентинадек кучли жамоага қарши ўйиндан кейин шундай даражада афсусланаётган бўлсангиз, бу бизнинг жамоамиз қанчалик кучли характерга эга эканини кўрсатади», — дея Жаканинг сўзларини келтиради The Atletic.

Баҳс бош ҳаками Жоау Педру Пинейру 72-дақиқада VAR аралашувидан сўнг Швейцария ҳужумчиси Бреэл Эмболога иккинчи сариқ карточкани кўрсатиб, майдондан четлатди. Ҳакам футболчини симуляция қилгани учун жазолади.