«Бешиктош» «Арсенал» вингери Леандро Троссар трансферини яқин кунларда якунлашига ишонмоқда. Бу ҳақда журналист Фабрицио Романо хабар берди.
Манбага кўра, клублар ўртасида 20 миллион евролик умумий пакет бўйича келишувга эришилган. Ушбу маълумотни «Арсенал» ҳам тасдиқлаган.
Қайд этилишича, Троссарга 2029 йилгача амал қиладиган шартнома ҳамда уни яна бир мавсумга узайтириш имконияти таклиф этилган.
Ҳозирча трансфер якунланиши учун фақат Леандро Троссарнинг якуний розилиги қолган. Агар футболчи таклифни қабул қилса, у яқин кунларда расман «Бешиктош» футболчисига айланади.
