Мадриднинг «Реал» клуби раҳбарияти «Олтин тўп» соврини жамоа футболчиларидан бири — Килиан Мбаппе ёки Жуд Беллингҳэмга насиб этишига умид қилмоқда. Бу ҳақда El Debate хабар берди.
Манбага кўра, «қироллик клуби» бундай фикрни Винисиус Жуниорнинг 2024 йилда «Олтин тўп»ни қўлга кирита олмагани билан изоҳламоқда. Ўшанда бразилиялик футболчи «Реал» сафида ёрқин мавсум ўтказганига қарамай, мукофот «Манчестер Сити» ва Испания миллий жамоаси яримҳимоячиси Родри Эрнандесга топширилганди.
«Реал» раҳбарияти ЖЧ-2026 якунларидан сўнг ҳам худди шундай тамойил қўлланиши керак, деб ҳисобламоқда. Шу боис, агар мундиалда Франция ёки Англия чемпион бўлса, Мадрид клубида «Олтин тўп» Мбаппе ёки Беллингҳэмга берилишига умид қилишмоқда.
