Англия миллий жамоаси собиқ ҳужумчиси Гари Линекер жаҳон чемпионати-2026 доирасида Норвегияга қарши баҳсда (2:1) Жуд Беллингҳемнинг ҳаракатларидан ҳайратини яшириб ўтирмади.
«Мен анча узоққа тахмин қилиб, у Англия миллий жамоаси тарихидаги энг буюк футболчи бўлиши мумкин, деб айтмоқчиман. Тўғри, бу жуда жиддий гаплар. Ахир бизда чиндан кўплаб буюк футболчилар бўлган.
Агарда Бобби Чарлтонни ёдга олсак, шубҳасиз, у бу номга даъвогарлар қаторида бўлиши зарур. Бу рўйхатга Ҳарри Кейнни ҳам қўшиш мумкин ва яна кўплаб футболчиларни. Бироқ Беллингҳем ўзининг ёшида амалга ошираётган ишлари, ўйинни ўзига олиши ва ҳал қилувчи паллаларда Англияни олға етаклаши - бу супер юлдуз даражаси» - дея Линекер сўзларидан иқтибос келтирди Metro.
Эслатиб ўтамиз, Беллингҳем мусобақада 6 та гол уриб улгурди. Жаҳон чемпионати яримфиналида инглизлар Аргентина миллий жамоасига қарши майдонга тушади.
