Ромеро: «Шундай туюляптики, Аргентина осон ғалаба қозонишни билмайди. Аммо жамоа билан фахрланаман»

Аргентина миллий жамоаси ҳимоячиси Кристиан Ромеро Жаҳон чемпионати чоракфиналида Швейцария устидан қўшимча вақтда қўлга киритилган 3:1 ҳисобидаги ғалаба ҳақида фикр билдирди.

«Шундай туюляптики, биз азобланмай ғалаба қозонишни билмаймиз. Аммо мен жуда бахтлиман ва бу жамоа билан фахрланаман. Ҳозир қилаётган ишларимиз ҳақиқатан ҳам ҳайратланарли. Ва биз ҳеч қачон тўхтамоқчи эмасмиз», — деди Ромеро.

«Тоттенҳэм» ҳимоячиси яримфиналда Англияга қарши бўлиб ўтадиган ўйин ҳақида ҳам фикр билдириб, бу баҳсга ортиқча босим юкламасликка чақирди.

«Бу шунчаки навбатдаги ўйин, холос. Уни алоҳида аҳамиятга эга ўйинга айлантириш керак эмас. Бу — футбол. Биз фақат ўз ўйинимизга эътибор қаратганмиз ва сўнгги йилларда намоён этиб келаётган жамоамизнинг DNK'сини яна бир бор кўрсатишни истаймиз.

Баъзида қийналасан, баъзида яхши ўйнайсан, баъзида эса ўзинг кутган даражада эмас. Аммо энг муҳими — майдонга юрак билан тушиш, ташаббусни ўз қўлингга олиш ва сўнгги дақиқагача курашиш», — дея қўшимча қилди Ромеро.