Колумбия миллий жамоаси яримҳимоячиси Хамес Родригес фаолиятини яна Европада давом эттириши мумкин. Бу ҳақда журналист Руди Галетти хабар берди.
Манбага кўра, Римнинг «Лацио» клуби ҳужум чизиғини кучайтириш мақсадида 35 ёшли футболчини ўз сафига қўшиб олиш вариантини кўриб чиқмоқда. «Миннесота Юнайтед»ни тарк этган Родригес айни пайтда эркин агент мақомида.
Қайд этилишича, римликлар ЖЧ-2026даги иштирокидан сўнг колумбиялик футболчининг ўйинидан ижобий таассурот олган.
Родригес мундиалда Колумбия миллий жамоасининг барча бешта учрашувида майдонга тушди, бироқ гол ёки ассист қайд эта олмади.
Хамес жорий йилнинг февралидан июнигача «Миннесота Юнайтед» сафида тўп тепди. У ушбу даврда 8 та ўйинда иштирок этиб, 2 та голли узатмага муаллифлик қилди.
