Испания миллий жамоаси яримҳимоячиси Родри жамоадоши Ламин Ямал ҳақида ўз фикрларини билдирди.
«Баъзида у ҳиссиётларини ва ўзини кўрсатишга бўлган кучли иштиёқини бироз назорат қилиши керак. Ямал — ажойиб футболчи. У ҳали ўйин ритмини ва учрашувнинг боришини янада яхши ҳис қилишни ўрганади. Унинг ёшини ҳисобга олсак, бу мутлақо табиий ҳолат», — деди Родри.
18 ёшли Ямал 2025/26 йилги мавсумда «Барселона»нинг энг яхши тўпурарига айланди. У барча мусобақаларда 24 та гол уриб, 17 та голли узатмани амалга оширди.
ЖЧ-2026да эса вингер 6 та учрашувда майдонга тушиб, 1 та гол муаллифига айланди. Испания яримфиналда 14 июл куни Арлингтон шаҳрида Францияга қарши баҳс олиб боради.
