Белгия миллий жамоаси яримҳимоячиси Аксел Витсел жамоа келажаги ҳақида фикрларини билдирди.
Белгияликлар Испанияга мағлуб бўлиб, жаҳон чемпионати-2026даги иштирокини 1/4 финалда якунлади.
«Эҳтимол, биз мусобақани керагидан ортиқ эҳтиёткорлик билан бошлагандирмиз, аммо секин-аста ўйинимиз даражаси ҳам ошиб борди. Ўйлашимча, бу жаҳон чемпионатидан мана шу нарсани ўзимиз учун қайд этиб ўтишимиз мумкин. Мен хавотир олмаяпман. Жамоани порлоқ келажак кутмоқда», – дея Витсел сўзларидан иқтибос келтирди ФИФА расмий сайти.
37 ёшли яримҳимоячи учун Испанияга қарши ўйин миллий жамоа сафидаги 140-бўлди. Аксел 12 та гол урган ва 8 та голли узатма етказиб берган.
Эслатиб ўтамиз, АҚШ, Канада ва Мексикада давом этаётган жаҳон чемпионати 19 июл куни якунланади. Амалдаги жаҳон чемпиони Аргентина миллий жамоаси.
