Испания миллий жамоаси вингери Ламин Ямал 2026 йилги жаҳон чемпионати чоракфинал босқичи доирасидаги Белгияга қарши ўйин (2:1)дан сўнг ўз фикрларини билдирди.
«Биз яна яримфиналга чиққанимиздан жуда хурсандмиз. Биз бу ерга анча вақтдан бери интилиб келмоқдамиз ва энди охиригача боришни хоҳлаймиз. Бу ғалаба ва кейинги босқичга чиққанимиздан жуда мамнунмиз.
Менимча, биз рақибдан анча кучлироқ эдик. Ҳа, ўтказиб юборилган гол ғалати таассурот қолдирди, чунки у айнан биз ўйинни тўлиқ назорат қилаётган пайтда содир бўлди. Лекин футбол шунақа.
Балки кимгадир бизнинг ўйинимиз жуда ҳам чиройли туюлмас, аммо ҳақиқат шуки, ҳали ҳеч бир жамоа биз билан тенгма-тенг ўйнай олмади.
Менимча, агар кимдир қўрқиши керак бўлса, бу Франция бўлиши лозим. Айнан биз ўтган йили уларни Миллатлар Лигасидан чиқариб юборгандик.
Албатта, дунёнинг икки буюк миллий жамоаси ўзаро тўқнаш келади. Менинг фикримча, бу ҳозирги пайтдаги энг кучли икки жамоа.
Энди майдонда нима бўлишини кўрамиз, аммо бизда ҳеч қандай қўрқув йўқ», — деди Ямал.
Маълумот ўрнида, мундиал яримфинал босқичида испанияликлар Франция миллий жамоасига қарши майдонга тушади. Учрашув 14 июл куни бўлиб ўтади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади