Испания миллий жамоаси бош мураббийи Луис де ла Фуэнте 2026 йилги жаҳон чемпионати чоракфинал босқичи доирасидаги Белгияга қарши ўйин (2:1)дан сўнг ўз фикрларини билдирди.
Ўйин натижаси ҳақида
«Бу ҳар қандай вазиятда ҳам жамоамизнинг характери қандай эканини кўрсатади. Мен яна бир бор шундай ўсиш ва янада кучайишга интиладиган жамоага бошчилик қилаётганимдан фахрланаман.
Биз йирик ҳисобда ғалаба қозониш учун етарлидан ҳам кўпроқ иш қилдик. Ғалаба қозониш қанчалик қийин эканини ҳам тушуниш керак».
Ғалаба голини урган Микел Мерино ҳақида
«У жуда кўп хислатларга эга. Микел исталган миллий жамоа ёки клубда ўйнай оларди. У бизнинг жамоамиз ва ўйин тизимимизга тўла мос келади.
Биз яхши биламизки, қачон Меринога эҳтиёж сезсак, у доимо ёнимизда бўлади».
Яримфинал босқичидаги Францияга қарши ўйин ҳақида
«Биз Францияни мағлуб этиш учун кўп меҳнат қиламиз. Улар ҳам худди шундай руҳиятда бўлади. Биз дунёда Францияни кетма-кет икки марта мағлуб эта оладиган ягона жамоамиз», — деди де ла Фуэнте Teledeporte нашрига берган интервюсида.
Мухлислар бу янгиликни Telegram’да муҳокама қилмоқда
Изоҳлар Telegram’да очилади