UFC собиқ чемпиони Макс Ҳоллоуэй тарихдаги илк икки дивизион чемпиони Конор Макгрегорга қарши бўлажак жанг ҳақида фикр билдирди.
«Биз эртага жанг қиламиз. Шунда ҳаммасини кўрасиз. Мен яна бироз кутишим мумкин. Ўша куни октагонга чиқиб, ҳаммасини зарбаларим билан кўрсатаман. Мен ғалаба қозониш учун қўлимдан келган барча ишни қиламан.
Мен Конорни аямай калтаклайман, ўша куни ҳаммасини ўзингиз кўрасиз», — деди Макс матбуот анжуманида.
Маълумот ўрнида, Макгрегор ва Ҳоллоуэй ўртасидаги жанг АҚШнинг Лас-Вегас шаҳрида 12 июл куни бўлиб ўтадиган UFC 329 турнирининг асосий жанги бўлади.
Аввалроқ Конор Максни шунчаки йўқ қилиши ҳақида гапириб ўтганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади