Belgiya milliy jamoasi yarimhimoyachisi Aksel Vitsel jamoa kelajagi haqida fikrlarini bildirdi.
Belgiyaliklar Ispaniyaga mag‘lub bo‘lib, jahon chempionati-2026dagi ishtirokini 1/4 finalda yakunladi.
«Ehtimol, biz musobaqani keragidan ortiq ehtiyotkorlik bilan boshlagandirmiz, ammo sekin-asta o‘yinimiz darajasi ham oshib bordi. O‘ylashimcha, bu jahon chempionatidan mana shu narsani o‘zimiz uchun qayd etib o‘tishimiz mumkin. Men xavotir olmayapman. Jamoani porloq kelajak kutmoqda», – deya Vitsel so‘zlaridan iqtibos keltirdi FIFA rasmiy sayti.
37 yoshli yarimhimoyachi uchun Ispaniyaga qarshi o‘yin milliy jamoa safidagi 140-bo‘ldi. Aksel 12 ta gol urgan va 8 ta golli uzatma yetkazib bergan.
Eslatib o‘tamiz, AQSH, Kanada va Meksikada davom etayotgan jahon chempionati 19 iyul kuni yakunlanadi. Amaldagi jahon chempioni Argentina milliy jamoasi.
