Portugaliya milliy jamoasi yangi bosh murabbiyi Jorge Jezush taktika va jamoa oʻyini haqida oʻz fikrlari bilan oʻrtoqlashdi.
«Oʻyin uslubidagi oʻzgarishlar haqida gapirganda, turli xil gʻoyalarni koʻrib chiqishimiz mumkin. Biz aynan nimani oʻzgartirmoqchimiz? Gʻoyanimi, oʻyin tizimimi yoki ayrim tafsilotlarnimi?
Bugungi kunda futbol tobora jamoaviy oʻyinga aylanib bormoqda. U juda katta inqilobni boshdan kechirdi, chunki hozir futbol — bu jamoalar va murabbiylar oʻyini.
Ular yaxshi tushunishadiki, eng qiyin vazifa — boʻsh hududlarni kamaytirish, hujumlar sonini koʻpaytirish va raqibga imkoniyatlarni imkon qadar kam qoldirishdir.
Lekin buni qanday amalga oshirish mumkin? Eng qiyin savol ham aynan shu. Men 4-3-3 sxemasida 3 nafar markaziy yarimhimoyachi bilan oʻynashning tarafdori emasman. Menga harakatchan va dinamik yarimhimoyachilar koʻproq yoqadi.
Hamma bizda dunyoning eng yaxshi yarimhimoyachilari bor deb aytdi. Lekin ular qayerda? Ikki futbolchi «PSJ»da, yana biri «Manchester Yunayted»da.
«PSJ»da gʻoyalar boshqacha, u yerda oʻyinni individual mahorati bilan boshqaradigan 3 nafar hujumchi bor. Portugaliyada esa bunday emas edi.
Mening fikrimcha, futbolchilarning xususiyatlariga mos keladigan gʻoyalarni joriy etish kerak. Murabbiy futbolchilarga yordam berishga intilishi lozim.
Shunday paytlar boʻladiki, ularga koʻmak zarur boʻladi. Bizning futbolchilarimiz yuqori saviyaga ega va men ularga yordam berish uchun doim tayyorman», — dedi Jezush.
Muxlislar bu yangilikni Telegram’da muhokama qilmoqda
Izohlar Telegram’da ochiladi