Portugaliya milliy jamoasi yangi bosh murabbiyi Jorje Jezush milliy jamoa hujumchisi va sardori Krishtianu Ronaldu haqida fikrlari bilan o‘rtoqlashdi. Avvalroq mutaxassis va Krishtianu Saudiya Arabistonining «An Nasr» klubida birga ishlagan.
«Krishtianu na milliy jamoa uchun, na men uchun muammo bo‘ladi. Krish — Portugaliya futboli timsoli. U «An Nasr»da qolmoqchi va faoliyatini o‘sha yerda yakunlashni niyat qilgan. Krishtianu bilan ishlash juda oson», — deya Jezush so‘zlaridan iqtibos keltirdi Fabritsio Romano o‘zining X tarmog‘idagi sahifasida.
Eslatib o‘tamiz, 2025/2026-yilgi mavsumda «An Nasr» Saudiya Arabistoni chempioniga aylandi.
Jahon chempionati-2026da 41 yoshli Ronaldu 3 ta gol urdi, ammo Portugaliya milliy jamoasi 1/8 final bosqichida ishtirokini yakunladi.
Muxlislar bu yangilikni Telegram’da muhokama qilmoqda
Izohlar Telegram’da ochiladi