Marokash milliy jamoasi yarimhimoyachisi Ayyub Buaddi JCH-2026 pley-off bosqichidagi Fransiyaga qarshi o‘yindan (0:2) keyin kattalar futbolida milliy jamoa borasidagi tanlovi haqida gapirdi.
Avvalroq yoshlar darajasida Fransiya sharafini himoya qilgan va hattoki 21 yoshgacha bo‘lgan futbolchilar jamoasi sardori ham bo‘lgan. Fransiya shimolida tug‘ilib, katta bo‘lgan xavbek may oyida Marokash milliy jamoasiga qo‘shildi.
«Men Marokashni tanlaganim uchun butkul afsuslanmayman. Doim aytganman, bu chin yurakdan qilingan tanlov edi, nima bo‘lishiga qaramay, Marokash sharafini himoya qilayotganimdan g‘ururlanaman.
Hozir eng muhimi — biz hammamiz — futbolchilar, murabbiylar shtabi — nima bo‘lgan taqdirda ham, bu libos uchun borimizni berishimizni yaxshi bilamiz.
Marokash xalqini yanada ko‘prog‘i bilan xursand qilishni niyat qilgan bo‘lsak ham, mundialdagi ishtirokimizdan g‘ururlanamiz. Keyingi musobaqalarda yanada uzoqroqqa o‘tish uchun nimalar ustida ishlashimiz kerakligini bilamiz.
Ishlashda va rivojlanishda davom etamiz», - dedi futbolchi.
Muxlislar bu yangilikni Telegram’da muhokama qilmoqda
Izohlar Telegram’da ochiladi