Belgiya milliy jamoasi bosh murabbiyi Rudi Garsiya Ispaniyaga qarshi 2026 yilgi jahon chempionati chorakfinali oldidan o'z fikrlari bilan o'rtoqlashdi.
«Ispaniyaga qarshi bahsda o'zimizga xos eng yaxshi o'yinni namoyish etishni istaymiz. Avvalo o'z kuchimizga ishonishimiz kerak. Fikrimcha, bu bizning asosiy vazifamiz. Albatta, Ispaniya milliy jamoasi favorit hisoblanadi. Ular so'nggi Yevropa chempionatida g'olib chiqishdi, jamoa darajasi juda yuqori.
Lekin bizda hech qanday qo'rquv yoki ruhiy bosim yo'q. Raqibning kuchini yaxshi bilamiz, biroq o'zimizning ham kuchli tomonlarimiz bor va ulardan maksimal foydalanish niyatdamiz.
Imkon boricha, raqibni yengib, yarimfinalga chiqishga bel bog'laganmiz. Bu yo'lda ortga chekinmoqchi emasmiz», — deya Garsiyaning so'zlaridan keltiradi FIFA rasmiy sayti.
Ma'lumot uchun, Ispaniya hamda Belgiya o'rtasidagi chorakfinal uchrashuvi Toshkent vaqti bilan soat 23:59da start oladi.
Muxlislar bu yangilikni Telegram’da muhokama qilmoqda
Izohlar Telegram’da ochiladi