Ispaniya milliy jamoasi bosh murabbiyi Luis de la Fuente hozircha jahon chempionati-2026 yarimfinali doirasida Fransiyaga qarshi ehtimoliy bahs haqida gapirish noo‘rin ekanligini ta’kidladi.
Ma’lumot uchun, bugun, 10 iyul kuni «Furiya Roha» 1/4 finalda Belgiya milliy jamoasiga qarshi maydonga tushadi.
«Hozir bor e’tiborimiz Belgiya bilan o‘yinga qaratilgan. Muxlis sifatida bu haqida gapirishimiz mumkin, ammo professional sifatida — yo‘q. Ha, biz o‘sha bahsni tomosha qila oldik. O‘ylashimcha, Fransiya maydonda Marokashdan ustunlik qildi», — deya de la Fuente so‘zlaridan iqtibos keltirdi Cadena Ser.
Eslatib o‘tamiz, Fransiya milliy jamoasi Marokash ustidan 2:0 hisobida zafar quchib, mundial yarimfinaliga yo‘l oldi.
Muxlislar bu yangilikni Telegram’da muhokama qilmoqda
Izohlar Telegram’da ochiladi