Belgiya milliy jamoasi sardori Yuri Tilemans jamoa a’zolari AQSH hujumchisi Folarin Balogunning jahon chempionati 1/8 final o‘yini oldidan diskvalifikatsiyasi bekor qilinganini qanday qabul qilganiga to‘xtaldi.
«Yig‘ilish o‘tkazdik, ammo o‘zimizni oqlashga sabab yo‘q, deb qaror qildik. U o‘ynaydimi yoki yo‘q, biz maydonda javob berishimiz shart edi. Va biz buni uddaladik. Futbolchilar o‘t bo‘lib yonishdi. Hamma maqsad yo‘lida harakat qildik va boshqa hech nimaga e’tibor bermadik. Biz o‘yinni yaxshi boshlashni istagandik, aynan shu narsa musobaqa startida bizga yetishmadi. Bunga muvaffaq bo‘ldik va o‘zimizni yanada ishonchli his qila boshladik», — deya Tilemans so‘zlaridan iqtibos keltirdi RTFB.
JCH-2026 1/8 final doirasida o‘tgan bahsda belgiyaliklar 4:1 hisobida zafar quchdi. 1/16 final bellashuvida qizil kartochka olgan hujumchi Balogun asosiy tarkibda maydonga tushdi, ammo bu ham mezbonlarga yordam bermadi.
Ma’lumot uchun, JCH-2026 yarimfinal yo‘llanmasi uchun Belgiya Ispaniya milliy jamoasiga qarshi maydonga tushadi. O‘yin 10 iyul kuni Los‑Anjelesda (AQSH) bo‘lib o‘tadi.
