Angliya milliy jamoasi yarimhimoyachisi Deklan Rays «Arsenal» bosh murabbiyi Mikel Arteta Jahon chempionatida ishtirok etayotgan klub futbolchilariga shaxsan qo'ng'iroq qilganini ma'lum qildi.
«Angliya chorakfinalga chiqqanidan keyingi tongda Mikel Arteta menga qo'ng'iroq qilib, tabrikladi. U Jahon chempionatida «Arsenal» futbolchilaridan biri g'olib bo'lishini istashini aytdi. Faqat menga emas, balki turnirda kurashni davom ettirayotgan barcha «Arsenal» futbolchilariga omad tilash uchun qo'ng'iroq qildi.
Men esa hazillashib: «Murabbiy, aslida siz bizdan ko'ra Mikel Merino va David Rayaga ko'proq muxlislik qilayotgan bo'lsangiz kerak. Axir siz ispansiz-ku», — dedim. U shunchaki kulib qo'ydi», — deya Raysning so'zlarini Sky Sports keltirdi.
Eslatib o'tamiz, Angliya milliy jamoasi Jahon chempionati chorakfinalida 12 iyul kuni Norvegiyaga qarshi bahs olib boradi.
Muxlislar bu yangilikni Telegram’da muhokama qilmoqda
Izohlar Telegram’da ochiladi. Saytda faqat muhokama faolligi ko‘rsatiladi.