Англия миллий жамоаси яримҳимоячиси Деклан Райс «Арсенал» бош мураббийи Микел Артета Жаҳон чемпионатида иштирок этаётган клуб футболчиларига шахсан қўнғироқ қилганини маълум қилди.
«Англия чоракфиналга чиққанидан кейинги тонгда Микел Артета менга қўнғироқ қилиб, табриклади. У Жаҳон чемпионатида «Арсенал» футболчиларидан бири ғолиб бўлишини исташини айтди. Фақат менга эмас, балки турнирда курашни давом эттираётган барча «Арсенал» футболчиларига омад тилаш учун қўнғироқ қилди.
Мен эса ҳазиллашиб: «Мураббий, аслида сиз биздан кўра Микел Мерино ва Давид Раяга кўпроқ мухлислик қилаётган бўлсангиз керак. Ахир сиз испансиз-ку», — дедим. У шунчаки кулиб қўйди», — дея Райснинг сўзларини Sky Sports келтирди.
Эслатиб ўтамиз, Англия миллий жамоаси Жаҳон чемпионати чоракфиналида 12 июл куни Норвегияга қарши баҳс олиб боради.
news.subscription.telegram_title_discussion
news.subscription.telegram_notification