АҚШ миллий жамоаси ҳужумчиси Фоларин Балогун 2026 йилги жаҳон чемпионатида унинг дисквалификацияси бекор қилингани ҳақидаги баҳсли вазиятга ўз муносабатини билдирди.
«Албатта, дисквалификация бекор қилинганидан кейин катта шов-шув кўтарилди. Лекин мен футболчиман. Менинг вазифам эса майдонга тушиш ва ўз ишимга эътибор қаратишдан иборат.
Менга қизил карточка кўрсатилганида ҳам қарорни қабул қилдим. Дисквалификация бекор қилиниб, ўйнашга рухсат берилганида ҳам бу қарорни қабул қилдим.
Шунга қарамай, бу жараёнда менинг ҳеч қандай иштироким бўлмаган. Бунинг менга ҳеч қандай алоқаси йўқ», — деди Балогун.
