Испания миллий жамоаси бош мураббийи Луис де ла Фуэнте 2026 йилги жаҳон чемпионати 1/8 финал босқичи доирасидаги Португалияга қарши баҳс (1:0)дан сўнг ўз фикрларини билдириб ўтди.
Меринонинг захирадан майдонга тушиши ҳақида
«Микелга ҳар доим ишониш мумкин. У бизга Европа чемпионлигини олиб берган ва энг муҳим паллаларда доимо жамоа ёнида бўлади. У ўз позициясида дунёнинг энг яхши футболчиларидан бири.
Бизнинг захира ўриндиғимизда шундай футболчилар борки, улар исталган бошқа миллий жамоада асосий таркибда ўйнаган бўларди.
Мен қарорларни доимо жамоа учун энг яхши вариантдан келиб чиқиб қабул қиламан. Ҳеч қачон таваккалчиликка мойил бўлмаганман. Микел ажойиб ўйин кўрсатмоқда ва доимо керакли жойда бўлади».
Учрашув олдидан Роналду билан қучоқлашгани ҳақида
«Биз вақти-вақти билан мулоқот қилиб турамиз. Мен унинг қадриятлари, ўзи устун бўлган фазилатлари ва спортга бўлган муносабатига қойил қоламан.
Менимча, Роналду — ёшлар учун ҳақиқий намуна. Бирга бўлиш имконияти туғилганда, бир-биримизга бўлган ҳурмат ва ҳайратимизни изҳор қиламиз».
Чоракфиналдаги рақиб ҳақида
«Биз аввало чоракфиналга чиққанимизни нишонлаяпмиз. Кейин эса бизга ким қарши чиқса, ўша жамоа билан ўйнаймиз.
Учрашувни интиқлик билан кутамиз ва ўз кучимизга ишонамиз. Бизда мусобақа мезбонларига қарши ўйнаш тажрибаси бор.
Масалан, Европа чемпионатида Германияга қарши баҳс олиб борганмиз», — деди де ла Фуэнте.
