«Ан Наср» собиқ бош мураббийи Жорже Жезуш Португалия миллий жамоасини бошқариши кутилмоқда. Бу ҳақда A Bola нашри хабар берди.
Маълум қилинишича, 71 ёшли мутахассис 2026 йилги жаҳон чемпионати 1/8 финал босқичида Испанияга 0:1 ҳисобида мағлуб бўлиб, мусобақани тарк этган Роберто Мартинес ўрнини эгаллайди.
Қайд этилишича, Жезуш миллий жамоа турнирдан қайтгач, Португалия футбол федерацияси президенти Педру Проэнса билан учрашув ўтказади.
Аввалроқ мутахассис Криштиану Роналду тўп тепадиган «Ан Наср» клуби бош мураббийлигидан кетганди. Унинг қўл остида жамоа ўтган мавсум Саудия Арабистони чемпионлигини қўлга киритган.
