«An Nasr» sobiq bosh murabbiyi Jorge Jezush Portugaliya milliy jamoasini boshqarishi kutilmoqda. Bu haqda A Bola nashri xabar berdi.
Ma'lum qilinishicha, 71 yoshli mutaxassis 2026 yildagi jahon chempionati 1/8 final bosqichida Ispaniyaga 0:1 hisobida mag'lub bo'lib, musobaqani tark etgan Roberto Martinez o'rnini egallaydi.
Qayd etilishicha, Jezush milliy jamoa turnirdan qaytgach, Portugaliya futbol federatsiyasi prezidenti Pedru Proensa bilan uchrashuv o'tkazadi.
Avvalroq mutaxassis Krishtianu Ronaldu to'p tepadigan «An Nasr» klubi bosh murabbiyligidan ketgandi. Uning qo'l ostida jamoa o'tgan mavsum Saudiya Arabistoni chempionligini qo'lga kiritgan.
