Белгия миллий жамоаси бош мураббийи Руди Гарсия 2026 йилги жаҳон чемпионати 1/8 финал босқичи доирасидаги АҚШга қарши ўйин (4:1)дан сўнг ўз фикрларини билдирди.
«Ҳозир Белгияда тонгги соат 4:00. Ухламасдан бизга мухлислик қилган барча белгияликларга миннатдорчилик билдирмоқчиман. Бугун жамоангиз билан фахрланишингиз мумкин.
Бугун Белгия катта футбол давлати эканини намойиш этдик. Биз ажойиб ўйин кўрсатдик ва режамизга тўлиқ амал қилдик.
Бу учрашувдаги ягона нохуш ҳолат Онананинг жароҳати бўлди. Аниқ нима юз берганини билмайман. Лекин менимча, ундаги жароҳат жиддий», — деди Гарсия.
