«Арсенал» «Реал» ҳимоячиси Раул Асенсиога қизиқиш билдирмоқда. Бу ҳақда ESPN хабар берди.
Қайд этилишича, 23 ёшли футболчининг келажаги ҳозирча ноаниқлигича қолмоқда. Ҳозирда мадридликлар унга катта умид билдирмаётгани айтилмоқда.
Шу сабабли, «тўпчилар» испаниялик ҳимоячини ўзининг трансферлар рўйхатига киритган. У жамоада Бен Уайтнинг эҳтимолий ўринбосари сифатида кўрилмоқда.
Маълумот ўрнида, Раул ўтган мавсум «Реал» сафида барча мусобақаларда 34 та учрашувда қатнашиб, 2 гол ва 1 ассистга муаллифлик қилган. Transfermarkt порталига кўра, футболчининг нархи 20 миллион еврони ташкил этади.
Аввалроқ Асенсионинг «қироллик клуби»дан кетмоқчи эмаслиги маълум қилинганди.
