Белгия миллий жамоаси сардори Юри Тилеманс жамоа аъзолари АҚШ ҳужумчиси Фоларин Балогуннинг жаҳон чемпионати 1/8 финал ўйини олдидан дисквалификацияси бекор қилинганини қандай қабул қилганига тўхталди.
«Йиғилиш ўтказдик, аммо ўзимизни оқлашга сабаб йўқ, деб қарор қилдик. У ўйнайдими ёки йўқ, биз майдонда жавоб беришимиз шарт эди. Ва биз буни уддаладик. Футболчилар ўт бўлиб ёнишди. Ҳамма мақсад йўлида ҳаракат қилдик ва бошқа ҳеч нимага эътибор бермадик. Биз ўйинни яхши бошлашни истагандик, айнан шу нарса мусобақа стартида бизга етишмади. Бунга муваффақ бўлдик ва ўзимизни янада ишончли ҳис қила бошладик», — дея Тилеманс сўзларидан иқтибос келтирди RTFB.
ЖЧ-2026 1/8 финал доирасида ўтган баҳсда белгияликлар 4:1 ҳисобида зафар қучди. 1/16 финал беллашувида қизил карточка олган ҳужумчи Балогун асосий таркибда майдонга тушди, аммо бу ҳам мезбонларга ёрдам бермади.
Маълумот учун, ЖЧ-2026 яримфинал йўлланмаси учун Белгия Испания миллий жамоасига қарши майдонга тушади. Ўйин 10 июл куни Лос‑Анжелесда (АҚШ) бўлиб ўтади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади. Сайтда фақат муҳокама фаоллиги кўрсатилади.