Portugaliya milliy jamoasi yarimhimoyachisi Brunu Fernandesh jahon chempionati-2026 1/8 final bosqichida Ispaniyaga imkoniyat boy berilgach (0:1), o‘yin taassurotlari bilan o‘rtoqlashdi.
«Albatta, biz xafamiz. Biz bu yerga yagona maqsad bilan kelgandik: musobaqada chempion bo‘lish. Afsuski, o‘zimizning eng yuqori darajamizda emasdik. O‘ylashimcha, birinchi bo‘limda yaxshiroq harakat qildik, ammo ikkinchi bo‘limda chuqur himoyalanib, to‘pni raqibga topshirib qo‘ydik. Bunday holatda oxir-oqibat to‘p o‘tkazib yuborasiz. Ispaniyani tabriklayman, ularda kuchli jamoa bor, lekin agarda biz birinchi bo‘limdagi o‘yinimizni davom ettirganimizda, yaxshiroq natijaga erisha olardik, deb o‘ylayman», - dedi Fernandesh.
Muxlislar bu yangilikni Telegram’da muhokama qilmoqda
Izohlar Telegram’da ochiladi. Saytda faqat muhokama faolligi ko‘rsatiladi.