Germaniya milliy jamoasi sobiq kiperi Oliver Kan AQSH milliy jamoasi hujumchisi Folarin Balogunning diskvalifikatsiyasi bekor qilinganini e’tiborsiz qoldirmadi.
«Futbol tarixini qayta yozishga kirishgan bo‘lsak, menda bitta taklif bor: men FIFA jahon chempionati-2002 yarimfinalida Mixael Ballakka ko‘rsatilgan sariq kartochkani, aynan o‘sha kartochka tufayli u finalni o‘tkazib yuborishga majbur bo‘lgan, bekor qilishini istardim. Biryo‘la Braziliyaga qarshi finalni qayta o‘tkazishimiz ham mumkin bo‘lardi», – deb yozdi Kan X tarmog‘idagi sahifasida.
Avvalroq FIFA amerikalik hujumchi Folarin Balogunning 1/16 final doirasida Bosniya va Hersegovinaga qarshi bahsda (2:0) olgan qizili tufayli diskvalifikatsiyasini to‘xtatib turishga qaror qilgandi. Natijada Balogun 1/8 finalda Belgiyaga qarshi o‘yinni asosiy tarkibda boshlay oldi.
