AQSh milliy jamoasi hujumchisi Kristian Pulishich mamlakat prezidenti Donald Trampning qo'llab-quvvatlashidan kuch olgan.
Pulishichning fikricha, bunday qo'llab-quvvatlash bilan mundiyaldagi g'alabaga ham da'vogarlik qilish mumkin.
«Ko'plab muhim o'yinlar o'tkazganman, bosim men uchun muammo bo'ladi deb o'ylamayman. Lekin milliy jamoa uchun mas'uliyat – bu boshqa narsa, klubdagi kabi emas. Biz chempionatni yutishimiz mumkinligiga ishonishimiz kerak. Men jamoadoshlarimga ishonaman», – deya Pulishichning so'zlaridan iqtibos keltiradi derbyderbyderby.it.
Eslatib o'tamiz – hozircha amerikaliklarning eng yaxshi natijasi 2002 yilgi mundiyalda chorakfinal bo'lib qolmoqda.
