Belgiya futbol federatsiyasi AQSH milliy jamoasi hujumchisi Folarin Balogunga nisbatan FIFA qabul qilgan qarordan noroziligini bildirdi. Bu haqda xorij matbuoti xabar bermoqda.
Gap shundaki, FIFA futbolchining qizil kartochkasi bo'yicha diskvalifikatsiyani vaqtincha to'xtatdi. Natijada Balogun Belgiya milliy jamoasiga qarshi Jahon chempionati 1/8 final bahsida maydonga tushishi mumkin.
Belgiya futbol federatsiyasi vakillari bu qarordan hayratda qolganini ma'lum qildi. Ularning ta'kidlashicha, amaldagi turnir reglamenti va FIFA Intizom kodeksiga muvofiq, qizil kartochka olgan futbolchi keyingi bahsni avtomatik ravishda o'tkazib yuborishi lozim.
Shuningdek, Belgiya futbol federatsiyasi FIFA qaroriga nisbatan qanday huquqiy choralar ko'rish mumkinligini o'rganayotganini bildirgan.
Eslatib o'tamiz, AQSH va Belgiya o'rtasidagi Jahon chempionati 1/8 final bahsi 7 iyul kuni bo'lib o'tadi.
