AQSH prezidenti qarorgohi — Oq uy AQSH milliy jamoasi hujumchisi Folarin Balogunning bir o‘yinlik diskvalifikatsiyasini kechiktirish bo‘yicha FIFA va tashkilot prezidenti Janni Infantinoga bevosita murojaat qilgan.
Jurnalist Ben Jeykobsning xabariga ko‘ra, murojaat Balogunning JCH-2026 1/8 finalida Belgiya milliy jamoasiga qarshi bahsda ishtirok etishini ta'minlash maqsadida qilingan.
Eslatib o‘tamiz, FIFA Intizom qo‘mitasi Balogunning Bosniya va Gersegovina milliy jamoasiga qarshi 1/16 final uchrashuvida (2:0) olgan qizil kartochkasi uchun belgilangan bir o‘yinlik avtomatik diskvalifikatsiyani bir yil muddatga sinov tariqasida to‘xtatib qo‘ygandi. Shu sababli hujumchi Belgiya bilan uchrashuvda maydonga tushishi mumkin bo‘ladi.
Ma'lumot uchun, JCH-2026 1/8 finalidan o‘rin olgan AQSH — Belgiya uchrashuvi 7 iyul kuni bo‘lib o‘tadi. G‘olib jamoa chorakfinal yo‘llanmasini qo‘lga kiritadi.
