Ispaniya milliy jamoasi himoyachisi Mark Kukurelya Jahon chempionati 1/8 finalida Portugaliya ustidan qozonilgan 1:0 hisobidagi g'alabadan keyin o'z fikrlari bilan o'rtoqlashdi.
«Jamoamiz yaxshi o'yin namoyish etdi va vazifani uddaladi. Ronalduning maydonda o'zini erkin his qilishiga yo'l qo'ymadik. Shunga qaramay, u baribir darvozamiz oldida bir necha xavfli vaziyat yaratishga muvaffaq bo'ldi», — deya Kukurelyaning so'zlarini AS nashri keltirdi.
Eslatib o'tamiz, ushbu bahsdagi yagona golga Ispaniya milliy jamoasi yarimhimoyachisi Mikel Merino mualliflik qildi.
Mazkur g'alabadan so'ng Ispaniya Jahon chempionati chorakfinaliga yo'l oldi. Luis de la Fuente shogirdlari ushbu bosqichda Belgiya milliy jamoasiga qarshi maydonga tushadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi