Испания миллий жамоаси ҳимоячиси Марк Кукуреля Жаҳон чемпионати 1/8 финалида Португалия устидан қозонилган 1:0 ҳисобидаги ғалабадан кейин ўз фикрлари билан ўртоқлашди.
«Жамоамиз яхши ўйин намойиш этди ва вазифани уддалади. Роналдунинг майдонда ўзини эркин ҳис қилишига йўл қўймадик. Шунга қарамай, у барибир дарвозамиз олдида бир неча хавфли вазият яратишга муваффақ бўлди», — дея Кукурелянинг сўзларини АS нашри келтирди.
Эслатиб ўтамиз, ушбу баҳсдаги ягона голга Испания миллий жамоаси яримҳимоячиси Микел Мерино муаллифлик қилди.
Мазкур ғалабадан сўнг Испания Жаҳон чемпионати чоракфиналига йўл олди. Луис де ла Фуенте шогирдлари ушбу босқичда Белгия миллий жамоасига қарши майдонга тушади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади