Мадриднинг «Реал» клуби президенти Флорентино Перес Эрлинг Ҳоланд трансфери имкониятини жиддий кўриб чиқмоқда. Бу ҳақда Defensa Central нашри хабар берди.
Манбага кўра, «қироллик клуби» норвегиялик ҳужумчини фақат Винисиус Жуниор жамоани тарк этган тақдирдагина ўз сафига қўшиб олишни режалаштирмоқда. Агар мадридликлар яқин вақт ичида бразилиялик футболчи билан шартномани узайтиришга эриша олмаса, уни ушбу ёзнинг ўзида трансферга қўйиши мумкин. Шундан сўнг «Реал» Холандни сотиб олишга ҳаракат қилади.
Эслатиб ўтамиз, 25 ёшли Эрлинг Ҳоланднинг «Манчестер Сити» билан амалдаги шартномаси 2034 йилнинг июн ойига қадар мўлжалланган. Тransfermarkt порталига кўра, ҳужумчининг трансфер қиймати 200 миллион еврони ташкил этади.
