«Рома» ҳужумчиси Пауло Дибала клуб билан янги шартнома бўйича барча масалаларда келишувга эришди. Бу ҳақда журналист Фабрицио Романо хабар берди.
Манбага кўра, томонлар ўртасидаги янги битим юзасидан ҳеч қандай муаммо бўлмаган. Аргентиналик футболчи Чемпионлар лигасида иштирок этиш учун маошининг камайтирилишига ҳам рози бўлган ва фаолиятини Рим клубида давом эттиришга қарор қилган.
Шу тариқа, Дибаланинг «Рома»ни тарк этиши ҳақидаги миш-мишларга барҳам берилди.
Эслатиб ўтамиз, Пауло Дибала 2022 йилдан буён «Рома» сафида тўп тепиб келмоқда. Аргентинлик ҳужумчи бу давр мобайнида жамоанинг асосий етакчиларидан бирига айланган.
