Испания миллий жамоаси ва «Арсенал» клуби кипери Давид Райя яримҳимоячи Микел Мерино билан жаҳон чемпионати 1/8 финал босқичи доирасидаги Португалияга қарши (1:0) ўйин вақтидаги суҳбатини очиқлади.
Эслатиб ўтамиз, захирадан ўйинга қўшилган Мерино баҳснинг асосий вақтига қўшилган дақиқада ғалаба голини уришга муваффақ бўлди.
«Захира ўриндиғида Микел билан ёнма-ён ўтиргандик. Бир вақт у менга қараб: «Биласанми, ич-ичимдан сезяпман, ҳозир майдонга тушаман-да, биз «Арсенал» доим урганимиз каби сўнгги дақиқалардаги муҳим голга муаллифлик қиламан». Ўйин якунлангач, ундан сўрадим: «Сен ўшанда жиддий гапирганмидинг?» У кулиб юборди ва деди: «Қўйсанг-чи, Давид, биз «Арсенал»да буни ҳар куни қиламиз. Мен клуб менталитетини ҳис қилгандим». Унга жавобан кулиб қўйдим, ахир финал ҳуштагигача муваффақият қозонишимизга ишонамиз», — деди Райя ўйиндан кейинги интервюда.
Маълумот учун, ЖЧ-2026 чоракфиналида Испания Белгияга қарши майдонга тушади.
