Португалиялик футбол агенти Паулу Барбоса Криштиану Роналдунинг Португалия миллий жамоасидаги ўрни ва фаолияти ҳақида ўз фикрларини билдирди.
«Криштиану Роналду — муаммо. Афсуски, у аввалгидек футболчи эмас. У шахсий рекордларини миллий жамоа манфаатларидан устун қўймоқда. Кеча Португалия Жаҳон чемпионатидан чиқиб кетди, аммо у 2028 йилги Европа чемпионатида ҳам ўйнашни истаётганига ишора қилди.
Ҳар қандай буюк футболчи учун фаолиятини якунлаш қийин. Роналду ҳамон ўзини юқори даражада деб ҳисоблайди, лекин ундай эмас. Месси ҳали ҳам юқори савияда ўйнамоқда, чунки у жамоа учун ҳаракат қилади. Роналду эса бундай қилмаяпти.
Роналду ўз меросига ўзи путур етказмоқда. У янги авлодга йўл бериш кераклигини тушунмаяпти. Энди бошқа футболчилар ўйнаши, жамоада тизим ишлаши керак. Катта эго — бу муаммо ва бундай футболчилар учун майдонни тарк этиш доим қийин бўлади», — дея Барбосанинг сўзларини «Чемпионат» нашри келтирди.
