Бугун, 7 июл куни АҚШнинг Атланта шаҳридаги «Mercedes-Benz Stadium»да Жаҳон чемпионатининг 1/8 финалидан ўрин олган Аргентина — Миср баҳси бўлиб ўтади.
Беллашув Тошкент вақти билан 21:00 да бошланади.
Аргентина ушбу босқичга 1/16 финалда Кабо-Вердени қўшимча бўлимларда 3:2 ҳисобида мағлуб этиб йўл олган бўлса, Миср Австралияни пеналтилар сериясида (асосий вақтда 1:1, пеналтиларда 4:2) таслим этган.
Эслатиб ўтамиз, Аргентина амалдаги жаҳон чемпиони ҳисобланади. Жанубий америкаликлар 2022 йилги мундиал финалида Францияни пеналтилар сериясида мағлуб этиб, бош совринни қўлга киритганди.
