Кабо-Верде миллий жамоаси дарвозабони Жозимар Возиня ЖЧ-2026 1/8 финалида Аргентинага қарши баҳсдан (2:3) кейин Лионел Месси билан бўлган суҳбат ҳақида гапириб берди.
«Ўйин тугагач, Мессининг олдига бордим. У мени қучоқлаб: «Сен ажойиб ўйнадинг. Сенинг халқинг сен билан фахрланиши керак», деди. Бу мен учун тасаввур қилиб бўлмайдиган лаҳза эди.
Лео Месси каби буюк футболчидан бундай сўзларни эшитиш мен учун жуда катта аҳамиятга эга. Мен унга миннатдорчилик билдириб: «Раҳмат, Лео. Сен энг зўрисан», дедим.
Кейин ундан футболкаларимизни алмаштиришимиз мумкинми, деб сўрадим. Лео интервюдан кейин туннелда менга футболкасини беришини айтди.
Бундай лаҳзалар қалбимда умрбод сақланиб қолади», — деди Возиня.
Эслатиб ўтамиз, Кабо-Верде миллий жамоаси Аргентина миллий жамоасига қарши баҳсда муносиб қаршилик кўрсатган бўлса-да, қўшимча бўлимларда 2:3 ҳисобида мағлуб бўлиб, ЖЧ-2026 билан хайрлашди.
Маълумот учун, 40 ёшдан ошган Возиня ушбу мундиалдаги ёрқин ўйинлари ва кўплаб сейвларидан сўнг турнирнинг энг эътиборга молик дарвозабонларидан бирига айланди.
