Германия миллий жамоаси собиқ кипери Оливер Кан АҚШ миллий жамоаси ҳужумчиси Фоларин Балогуннинг дисквалификацияси бекор қилинганини эътиборсиз қолдирмади.
«Футбол тарихини қайта ёзишга киришган бўлсак, менда битта таклиф бор: мен ФИФА жаҳон чемпионати-2002 яримфиналида Михаэл Баллакка кўрсатилган сариқ карточкани, айнан ўша карточка туфайли у финални ўтказиб юборишга мажбур бўлган, бекор қилишини истардим. Бирйўла Бразилияга қарши финални қайта ўтказишимиз ҳам мумкин бўларди», – деб ёзди Кан Х тармоғидаги саҳифасида.
Аввалроқ ФИФА америкалик ҳужумчи Фоларин Балогуннинг 1/16 финал доирасида Босния ва Ҳерцеговинага қарши баҳсда (2:0) олган қизили туфайли дисквалификациясини тўхтатиб туришга қарор қилганди. Натижада Балогун 1/8 финалда Белгияга қарши ўйинни асосий таркибда бошлай олди.
