Portugaliya milliy jamoasi bosh murabbiyi Roberto Martines Ispaniyaga qarshi Jahon chempionati 1/8 finalidagi mag'lubiyatdan (0:1) so'ng Krishtianu Ronalduning jamoa uchun qilgan xizmatlariga yuqori baho berdi.
«Unga namunali sardor bo'lgani uchun minnatdorlik bildiraman.
Men Portugaliya milliy jamoasini Krishtianuning kelajagi borasida ko'plab savollar tug'ilgan pallada qabul qilib olgandim. Ammo u men uchun har tomonlama o'rnak bo'ldi. Gap faqat gollar haqida emas, statistikasi o'zi hammasini aytib turibdi. Uning golli uzatmalari, har kungi mehnati va futbolga bo'lgan munosabati barchaga namuna.
Krishtianu chinakam futbol afsonasi. Bunday futbolchilar juda kam uchraydi. U Jahon chempionatida g'alaba qozonishni orzu qildi va bu yo'lda bor kuchini berdi. Maydonda ham, kiyinish xonasida ham hammaga ajoyib namuna bo'ldi. Jamoamiz bu xotiralarni doimo saqlab qoladi. U futbolchi, sportchi va inson sifatida barchaga o'rnak», — deya Martinesning so'zlarini AS nashri keltirdi.
Eslatib o'tamiz, Roberto Martines ushbu bahsdan keyin Portugaliya milliy jamoasi bosh murabbiyligidan ketayotganini ham ma'lum qilgan edi.
Muxlislar bu yangilikni Telegram’da muhokama qilmoqda
Izohlar Telegram’da ochiladi. Saytda faqat muhokama faolligi ko‘rsatiladi.