Тухел Англиянинг яримфиналга чиққани ҳақида: «Бу — катта босим, аммо менга ёқмоқда»

Англия бош мураббийи Томас Тухел жамоаси Жаҳон чемпионати яримфиналига чиққанидан кейин ўз фикрлари билан ўртоқлашди.

«Бу — жуда катта босим, лекин бу менга ёқади. Жамоани майдонга олиб чиқиш, ўша ерда бўлиш… Баҳс бошланишидан аввал сўнгги икки-уч дақиқада — тайёргарлик якунланиб, майдонга чиққанимда ўзимни чин маънода тирикдек ҳис қиламан. Айнан шу ерда бўлишни истайман. Ўша дақиқаларда дунёнинг бошқа ҳеч бир жойида бўлишни хоҳламайман.

Бу менга жуда ёқади, аммо ҳар уч-тўрт кунда бир марта плей-офф баҳсларини ўтказиш, албатта, мутлақо бошқа даражадаги юклама ва ҳақиқий эмoционал синовдир. Буни тан оламан. Шунинг учун ҳозир ҳам бироз вақт керак. Футболчиларга тўлиқ тикланиш учун вақт берамиз, энг кечи билан куннинг иккинчи ярмида мураббийлар штаби билан кейинги ўйинга тайёргарликни бошлаймиз», — деди Тухел ESPN нашрига берган интервюсида.

Яримфиналда Англия 15 июл куни Аргентинага қарши майдонга тушади.